Joker nord?

 

«Women on the move from Clinton to Palin». Denne saka er henta fra dagens Metro, ei gratisavis mange leser på T-banen her i Boston. Og nettopp dette var min aller første tanke då eg høyrte at McCain hadde valgt ein kvinneleg visepresidentkandidat; nå prøver han å kapre Hillary-stemmer! Lite visste eg då kven denne Sarah Palin-figuren var. Like ukjent var ho for dei fleste amerikanarar. Som guvernør i Alaska og utan rikspolitisk erfaring var ho eit mildt sagt overraskande valg som visepresidentkandidat. Om valget slo ned som ei bombe, meiner vel nå mange at ho er å ansjå som ei laus kanon på dekk. Minimal politisk erfaring, høgreekstrem og ultrakonservativ er nokon av karakteristikkane. Nokon meiner til og med at ho er «gal» eller «farleg». Ho er mellom anna motstandar av abort under alle omstendigeter, også etter incest eller voldtekt. Ho er mot all lovregulering av våpenbruk, ho er for oljeboring i Alaska sine nasjonalparkar, og ho har uttalt at krigen i Irak er på oppdrag fra Gud. Ekstremt, altså. 

Men likevel. Stadig blir det snakka om Palin-effekten. Hennar image som «hockey-mum med lipstick» slår an hos mange. Republikanarane fekk ein merkbar oppsving etter valget av visepresidentkandidat. Ho er på alles lepper, med eller utan leppestift. Vekas store samtaleemne på jobb har vore Tina Fey sin oppsiktsvekkande parodi av henne på Saturday Night Live forrige lørdag. Så, kven kan vere Norges svar på Sarah Palin..? Det einaste navnet som dukkar opp i hovudet mitt er Eli Hagen. Folkeleg appell, frittalande, høgt hår, og plassert godt til høgre politisk..

Kven er det denne dama appellerer til..? For det første var valget av Sarah Palin ei utstrakt hand til dei mest konservative delene av partiet. John McCain har ikkje vore dei ultrakonservative sin favoritt, og han har heller ikkje fullt så ekstreme sosialkonservative synspunkt som Palin. Med å velge henne, sikra han seg derfor full støtte fra denne velgargruppa. Men denne gruppa kunne han truleg ha tilfredsstilt også ved å velge nokon andre fra ytterste høgre fløy i partiet. Derfor trur eg at det er like viktig at Palin vekkar begeistring i ei anna gruppe; nemleg kvinnelege velgarar fra middel-/arbeidarklasse som har sitte litt på gjerdet etter at Hillary var ute av dansen. Unekteleg vanskeleg å forstå at ein kan gjere eit kvantesprang over fra Hillary til Palin sånn utan vidare – dei deler ikkje akkurat politisk ståstad. Men mange var kanskje litt under middels politisk interessert og usikre på kven dei skulle stemme på, og kan nå vere tilbøyelege til å sympatisere med denne friske pusten fra nord. Som den 51-årige kvinna i Metro-reportasjen seier: «She’s a down-to-earth mom like me. She has a basic knowledge of what it means to be middle class». Ho blir oppfatta som folkeleg og sympatisk, og representerer for mange noko nytt og friskt. Det same kan vere tiltrekkande for velgarar som kanskje ikkje hadde tenkt å avgi stemme, og for såkalla «swing-voters»; velgarar som svingar mellom å foretrekke dei to partia.

Eg trur sistnevnte grupper var utslagsgivande når McCain skulle velge sin kandidat. Eller, truleg var det ikkje hans valg. Han hadde berre truffe Sarah Palin ein einaste gong før, og det blir sagt at ho neppe var hans førstevalg. Dette var overveiande sannsynleg eit reint strategisk valg av dei republikanske valgkampstrategane som står bak McCain. Når Obama valgte trygt og traust i den politisk erfarne Joe Biden, satsa republikanarane friskt og har klart å sette dagsordenen sidan. Politiske kommentatorar her i USA meiner at dette aldri hadde skjedd dersom Barack Obama hadde valgt Hillary Clinton som visepresidentkandidat. Då ville ikkje velgarpotensialet i tomrommet etter henne vere til stades lenger, og noko av den mulige gevinsten derfor utanfor rekkevidde. Ingen veit om Hillary har fått tilbudet og takka nei (til å vere nummer to nok ein gong..), men faktum er iallfall at i staden for Hillary kan me nå risikere at Sarah Palin blir første kvinnelege president i USA. La oss håpe det forblir eit skrekkscenario. Thanks, but no thanks!

Stikkord: , ,

6 kommentarar to “Joker nord?”

  1. Kitschpink Says:

    Horrorwoman!! Jeees, eg håper vi blir spart for ho!

  2. Thea Says:

    ser at du bor i boston, er du på utveksling?:)
    jeg bor i Westborough, ca en halv time unna boston med familien 😀 hehe

  3. ingacecilie Says:

    Hei Thea! Ja, eg flytta til Boston for tre veker sidan! Bur nord i Cambridge, nær Davis Square og Alewife. Eg er lege og tar PhD-graden, og er i den forbindelse på eit års forskningsopphald her. Kjekt å høyre fra andre nordmenn i nærheten! 😀

  4. Q-mann Says:

    Nå har vel ikke akkurat Eli Hagen vært i nærheten av å ha politiske ambisjoner utover det å stå last-og-brast ved sin mann…

  5. ingacecilie Says:

    Det er sant! Var ein spøk fra mi side! 😀

  6. marteliten Says:

    Veldig fornøyd med at du fulgte min oppfordring og postet disse gode innleggene her 😀 Go girl!

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s


%d bloggarar likar dette: